OBRADOIRO DE ETIQUETAS

O alumnado de 2º de ESO, que cursa a materia de Hábitos de vida saudable,  realizou dúas sesións de formación sobre a interpretación de etiquetas de produtos alimentarios destinada ás compañeiras e compañeiros de 1º da ESO. 

Cada alumno documentouse sobre un aspecto concreto da etiquetaxe. Logo elaboraron unha presentación colectiva e cada quen fixo a súa exposición sobre aspectos como: 

- Ingredientes. 

- Aditivos. 

- Valor nutricional. 

- Data de caducidade e data de consumo preferente. 

- Presenza de alérxenos. 

- Simboloxía presente nas embalaxes. 

 

Deste xeito, pretendemos que a totalidade do alumnado do centro teña formación na interpretación dos envases dos produtos alimentarios para que, como consumidoras e consumidores, poidan realizar escollas de alimentos dunha forma crítica e responsable cunha alimentación sa e equilibrada. 

 

 

DEGUSTACIÓN DE CONSERVAS

 A medidos do mes de febreiro, organizamos unha nova degustación. Nesta ocasión, achegámonos aos produtos do mar a través da proba de diversas conservas: mexillóns, zamburiñas, chipiróns, cabala, ventresca de atún, sardiñas, bocarte e agullas. Acompañdas de pan, galletas mariñeiras, pementos en conserva e tomatiños.

O obxectivo desta proposta, é que o alumnado coñeza novas alternativas de merenda sanas, saudables e fáciles de elaborar. 

De novo, os alumnos e alumnas de 2º de ESO fixeron unha magnífica labor empratando e servindo os produtos a degustar.

Agradecémoslle a Supermercados Froiz e Conservas Jealsa, as doazóns que realizaron en forma diferentes de tipos de conservas para contribuír a que a degustación fora posible.  

Froita fresca nos recreos de febreiro

 

ENQUISAS SOBRE AS NOSAS MERENDAS

 Velaquí deixamos acceso a catro infografías que recollen os resultados das enquisas sobre os hábitos de merenda que realizaron as familias de Infantil, Primeiro e Segundo de Primaria e o alumnado de 3º a 6º. 

As enquisas agrúpanse do seguinte xeito, pica no enlace de cada unha para acceder a elas: 

- Resultados da enquisa de Infantil

- Resultados da enquisa de 1º e 2º

- Resultados da enquisa de 3º e 4º

- Resultados da enquisa de 5º e 6º

Gracias a todo o alumnado de 3º a 6º por participar e tamén a aquelas familias de Infantil, 1º e 2º que dedicastes uns minutos a cubrir a enquisa. 

DEGUSTACIÓN DE QUEIXO, PAN E MEL

 O día 2 de decembro e no marco do Aliméntate ben, desenvolvemos en Secundaria unha degustación centrada no queixo, o pan e o mel como opcións de merenda saudable. O obxectivo desta degustación foi dar a coñecer produtos saudables que podemos traer como merenda, fomentar o coñecemento de queixos producidos na contorna e, sobre todo, dar exemplos prácticos que o alumnado poida incluír facilmente na súa merenda de media mañá. 

A degustación centrouse nos seguintesprodutos:  

- Queixo ecolóxico Carmiña de A casa grande de Xanceda (Mesía). 

- Queixo con denominación de orixe Tetilla da queixería Barral (Pantiñobre, Arzúa). 

- Queixo Delicias de A tenda dos queixos, queixería Arosa (Xanceda, Mesía).

- Queixo de cabra da queixería Suerte Ampanera adquirido nunha tenda ecolóxica. 

- Pan ecolóxico de catro variedades diferentes. 

- Mel de Abella Carmela (Boqueixón).

 

Agradecémoslle ás queixerías Barral, A Casa grande de Xanceda e á queixería Arosa, a doazón que fixeron de queixos para poder degustalos neste proxecto. Moitas gracias!

 

 

 

 

 

 

PROMOVENDO MERENDAS SAUDABLES

Dende o programa Aliméntate ben, estamos a promover as merendas saudables en colaboración co Proxecto Vida activa e deportiva. Non só no tempo de recreo, tamén naquelas ocasións nas que realizamos saída e excursións. Neste caso foi na saída a Sobrado do alumnado de ESO, o día 8 de novembro.

Os alumnos e alumnas enviaron fotos das súas merendas. Alimentación sa, sempre!!

FAI CLIC AO TEU BOCATA

Dentro desta modalidade do Aliméntate ben, estamos a desenvolver unha serie de actividades que se realizan en diferentes grupos de Infantil, Primaria e en Secundaria. Démoslle ao noso proxecto o título  "Conserva túa merenda".

A continuación, deixamos dous vídeos moi similares, un no que recollemos os obxectivos e as actividades para Infantil e Primaria, e outro coas propostas para ESO. Todas elas son flexibles e poden mudar segundo as necesidades do proxecto ou as cirscunstancias que se presenten en cada trimestre.

 

                                    Conserva a túa merenda (Infantil e Primaria). 

 

                                            Conserva a túa merenda (ESO).